Thursday, 12 September 2013

భూటాన్‌!


ఆనందం... పచ్చదనం... భూటాన్‌!
పర్యావరణంలో ముందుంటది... సంతోషమే ఈ దేశం బలం... ఎక్కడో ఏంటో ఆసక్తికరమైన ఆ వివరాలేంటో?
మనం పచ్చదనం పర్యావరణంపై బోలెడు నినాదాలు వింటూనే ఉంటాం. కానీ వీటిని పరిరక్షించుకోవడంలో ఎంత ముందున్నాం? ఈ విషయంలో భూటాన్‌ ప్రత్యేక స్థానంలో ఉంది. ప్రపంచ దేశాలన్నింటిలో పర్యావరణ రక్షణపై ప్రత్యేక నిబంధన ఉంది ఈ దేశంలో మాత్రమే. దేశ వైశాల్యంలో 60 శాతం అడవులు ఉండాలన్నది ఇక్కడి రాజ్యాంగ నిబంధన. దీనికోసం ప్రత్యేక శ్రద్ధ చూపిస్తారు. మొక్కలు కానుకలుగా ఇవ్వడం ఇక్కడి సంప్రదాయం. 






జెండా:
పతాకంపై జాతీయ చిహ్నం డ్రాగన్‌ ఆకారం తెలుపు నలుపు రంగుల్లో ఉంటుంది. దీని తెలుపు స్వచ్ఛతకు గుర్తు. పసుపు రంగు రాజ్యాధి కారానికి, కాషాయం బౌద్ధమతానికి సూచికలు.
  • ఈ దేశానికి కార్బన్‌ నెగెటివ్‌ కంట్రీగా పేరు. ఎందుకంటే భూటాన్‌లోని చెట్లు ఈ దేశంలో విడుదలయ్యే కార్బన్‌డయాక్సైడ్‌ మొత్తాన్నీ పీల్చేసుకున్నా ఇంకా మరింత కార్బన్‌డయాక్సైడ్‌ను పీల్చుకునే సామర్థ్యం కల్గి ఉంటాయి. రకరకాల పరిశ్రమలు, వాహనాలూ ఇతర రూపంలో ఏటా భూటాన్‌ విడుదల చేస్తున్న కార్బన్‌డయాక్సైడ్‌ 15 లక్షల టన్నులు కాగా, అక్కడి చెట్లు 60 లక్షల టన్నుల కార్బన్‌ వాయువును పీల్చుకుంటున్నాయి.
  • మరో ప్రత్యేకతా ఉంది.. ఇక్కడ స్థూల జాతీయోత్పత్తి కన్నా ప్రజల ఆనందానికే ప్రాముఖ్యత ఎక్కువ. అందుకే సంతోష సూచిక ఉంటుంది. అదే గ్రాస్‌ నేషనల్‌ హ్యాపీనెస్‌. ఏటా ప్రజల ఆనందాన్నే లెక్కిస్తారు.
  • భూటాన్‌.... దక్షిణాసియాలోని చిన్న దేశం. చుట్టూ భూభాగాలే సరిహద్దులుగా ఉన్న దేశమిది. దక్షిణ, తూర్పు, పడమర దిశల్లో భారత్‌, ఉత్తరాన చైనా దేశంలో భాగమైన టిబెట్‌ ఉన్నాయి.
  • భూటాన్‌లో విద్యా, వైద్యం ఉచితం. పర్యాటకులకు కూడా.
  • ట్రాఫిక్‌ సిగ్నల్స్‌ లేని రెండే రెండు నగరాల్లో రాజధాని థింపూ ఒకటి. ఇక్కడ కూడళ్లలో పోలీసులే నిలబడి ట్రాఫిక్‌ సంకేతాలిస్తారు.
  • భూటాన్‌లో బౌద్ధమతానికి ఎక్కువ ప్రాధాన్యం.
  • ఈ దేశంలో మొత్తం 24 భాషలు మాట్లాడుతారు.
  • పొగాకు అమ్మకాల్ని నిషేధించిన ఏకైక దేశమిది.
  • భూటాన్‌లో 1999 వరకూ టీవీ, అంతర్జాలం వాడటం నిషిద్ధమట.
  • మొదటిసారిగా ఇతర దేశాల పర్యాటకుల్ని అనుమతించింది 1974లో.
  • 1999 నుంచి ఇక్కడ ప్లాస్టిక్‌ సంచీలు వాడటం నిషిద్ధం.
  • ఈ దేశ జాతీయ జంతువు ‘టకిన్‌’. విచిత్రమైన రూపంతో ఉండే ఈ జంతువు ఇక్కడ మాత్రమే ఉంటుంది. తలేమో మేకలా, శరీరమేమో జడలబర్రెలా ఉంటుంది.

No comments:

Post a Comment